Detalle noticia

Non deberedes confundir este fondo co "Fondo solidario de libros de texto e axudas para adquirir libros de texto e material escolar", que pon en marcha a Xunta de Galicia anualmente, e que xestiona o CEIPP Novo Mesoiro, no noso caso. Neste as familias, dependendo o ciclo e outros, poderían ser beneficiarias de cheques para axuda o pago de material e/ou libros, ou poder facer uso dos libros do fondo que ten o noso cole. A información deste fondo a tedes nesta nova do cole: FONDO SOLIDARIO LIBROS E AXUDA A MATERIAL | CEIP Novo Mesoiro

Para a xente NON BENEFICIARIA do fondo de libros anterior (é dicir, que non lles concedan o uso dos libros de texto para 3º a 6º de primaria) a ANPA pon en marcha o seu propio fondo de libros gratuito, grazás as doazóns das familias que usaron os libros de texto en cursos pasados.

ASIGNACIÓN DE LIBROS CONCEDIDOS EN PRÉSTAMO PARA O CURSO 2025/2026

O día 18/07/2025 foron notificados por email TÓDOLOS solicitantes do fondo. Se non recibiches un email de rexeitamento da solicitude ou confirmación, contacta con nos por email.

Gustaríamos comentar o seguinte sobre a asignación deste ano:

• A demanda superou calquera das nosas expectativas.
• Recibimos moitas solicitudes con erros: solicitantes que xa tiñan os 6 libros do fondo da Xunta concedidos, que tiñan parcialmente concedidos os libros e solicitaban igualmente os 6, que non indicaban correctamente os datos solicitados, etc. PREGAMOS teñades en conta que detrás da xestión estamos persoas, e que estes erros dificultan enormemente a xestión do fondo.
• Tratouse de aplicar un reparto o máis equitativo posible de exemplares, pero en 6ºEP, aínda así, foi preciso realizar sorteo.
• Tódalas solicitudes aceptadas (soamente foron rexeitadas as que xa dispoñían dos 6 libros do fondo da Xunta) recibiron a asignación dalgún libro dos solicitados. A notificación do libro asignado fíxose por email.

O reparto de libros se fará a máis tardar nos primeiros días do curso 2025/2026, no local da ANPA sito no CEIP Novo Mesoiro. Informaremos da data e hora, en canto poidamos proceder a entrega.

SOLICITUDE DO FONDO DE LIBROS DA ANPA PARA O CURSO 2025/2026

CRITERIOS DE ACCESO E PRIORIDADE NAS SOLICITUDES

Animamos a calquera familia que (necesitando os libros) non cumpra os criterios indicados a continuación, a que nos achegue o seu caso para poder valoralo. Recordamos que soamente haberá dispoñibilidade de libros entre 3º e 6º de Primaria.

1. Poderá beneficiarse o alumnado do CEIPP Novo Mesoiro no curso 2025/2026. A solicitude está aberta a todo o alumnado do CEIP, sexa ou non socio desta ANPA.
2. Ter solicitada a Axuda de Libros (concedida ou denegada) para o curso 2025/2026. Referente o procedemento ED330B: PARTICIPACIÓN NO FONDO SOLIDARIO DE LIBROS DE TEXTO E AXUDAS PARA
   ADQUIRIR LIBROS DE TEXTO E MATERIAL ESCOLAR
3. O alumnado o que se lle concenderán 4 libros na Axuda deste curso, poderá optar os dous adicionais. NOTA: Tede en conta que o fondo non aplica a libros de exercicios (workbook, música...).
4. Asignaráse un número a cada solicitude recibida, por estrito orde de chegada da petición. O número asignado será comunicado por email ao solicitante (en base a información recollida na solicitude).
5. No caso de que se reciban máis solicitudes que libros dispoñibles na oferta, darase prioridade os socios da ANPA. Se aínda así fora preciso, faráse un sorteo para a adxudicación (soamente coas solicitudes necesarias) en base a este número asignado na recepción da solicitude.

PROCEDEMENTO DE SOLICITUDE, ADXUDICACIÓN E ENTREGA OS BENEFICIARIOS

1. O prazo para a presentación de solicitudes estará aberto entre o 07/07/2025 e o 13/07/2025.
2. Deberá cubrirse o formulario indicado a continuación, con tódolos datos solicitados. FORMULARIO SOLICITUDE AQUÍ
3. So no caso de que fora preciso (de recibir máis solicitudes que libros dispoñibles): Terán preferencia na asignación os socios desta ANPA, e en igualdade de condicións realizaráse sorteo para a adxudicación dos libros, en base ao número asignado coa presentación da solicitude por email.
4. Adxudicación:
   1. Unha vez pechado o prazo de solicitude, procederemos a revisar os datos e realizar o reparto de exemplares segundo os criterios indicados.
   2. Comunicarase, ao email indicado no formulario de solicitude como contacto, a concesión ou non dos libros que corresponda. Previsiblemente a comunicación se fará a partir do día 15/07/25, e antes do 20/07/25.
   3. Neste email indicarase o lugar e data para a recollida dos libros. PENDENTE DETERMINAR DATA: En principio nos primeiros días de setembro, aínda que é posible que ofrezamos algún día de xullo en horario de maña para a entrega.
   4. O titor solicitante deberá confirmar a aceptación dos libros do fondo en resposta o email recibido, en 48h horas dende o envío do email.
   5. No caso de quedar libros adxudicados no que o titor non confirmase a aceptación ou que finalmente non foran recollidos, notificarase en resposta ao mesmo email a retirada da asignación e otorgaranse o seguinte na lista de petición (se existira).
   6. No caso de existir libros sobrantes, a súa asignación podería realizarse (de acordo coa directiva do CEIPP Novo Mesoiro) ao longo do curso, ou quedar en depósito para o curso seguinte.

LIBROS DISPOÑIBLES PARA O CURSO 2025/2026

03/07/2025: A disponibilidade de libros de cara o vindeiro curso 2025/2026 é a que se reflexa a continuación:

RECOLLIDA DE LIBROS PRESTADOS O CURSO 2024/2025 (REMATADO)

Os alumn@s que dispoñan de libros prestados poderán deixalos na aula o último día de clase (20 de xuño), o centro nos fará chegar os libros devoltos. Noutro caso, se deberá acordar unha cita coa ANPA para a devolución destes, preferiblemente antes do 30 de xuño (dado que os libros pasarán a formar parte do fondo ofertado o vindeiro curso).

Podedes contactar con nos enviando un email a info@anpamontedomuino.es, co asunto "Fondo de libros: devolución 24/25".

RECOLLIDA DE DOAZÓNS DE LIBROS PARA OFERTAR DE CARA O CURSO 2025/2026 (REMATADO)

Todas aquelas familias que teñan libros de 3º a 6º de primaria do curso actual 2024/2025 e desexen doalos, soamente terán que:

1. Enviar un email a info@anpamontedomuino.es cos datos do alumn@ e o curso, co asunto "Fondo de libros: doazón". Precisamos ter o listado de alumnos que donarán os libros como límite o día 19/06, para avisar ao centro.
2. O último día de clase (20 de xuño), os libros quedarán na aula e recollerémolos alí, para incorporalos ao fondo de libros.

Animámosvos a colaborar, para que pouco a pouco tódalas familias poidan ter o recurso dos libros de balde.